ການມອບດິນມອບປ່າ

I.      ພາກ​ສະ​ເໜີ

ບ້ານ​ໜອງ​ຂອນ​ເປັນ​ບ້ານ​ໜຶ່ງ​ເຊິ່ງຕັ້ງ​ຢູ່​ທາງ​ຕາ​ເວັນ​ຕົກ​ສ່ຽງ​ໃຕ້ ຂອງ​ເມືອງ ​ໂພນ​ໂຮງ ແລະ ແຂວງ ວຽງຈັນ. ປະຊາຊົນ​ສ່ວນ​ໃຫຍ່​ແມ່ນ​ດຳລົງ​ຊີວິດ​ຕາມ​ທຳ​ມະ​ຊາດ​ເຊິ່ງຢຶດ​ເອົາ​ອາຊີບ​ເຮັດ​ນາ,ລ້ຽງສັດ ​ເປັນ​ຕົ້ນຕໍ ​ແລະ ​ເຮັດ​ສວນ​ເປັນ​ສຳຮອງ.​  ນອກຈາກ​ນີ້​ບ້ານ​ດັ່ງກ່າວ​ຍັງ​ມີ​ຊັບພະຍາກອນ​ທຳ​ມະ​ຊາດທີ່​ອຸດົມສົມບູນ​ເຊັ່ນ: ດິນ, ປ່າ​ໄມ້ ​ແລະ ຍັງ​ມີ​ແຫຼ່ງນ້ຳ​ທີ່​ສຳຄັນ​ເຊັ່ນ: ນ້ຳ​ແຈ້ງ​, ນ້ຳ​ກໍ່າ,ນ້ຳ​ພະນາຍ, ນ້ຳ​ພະ​ເຈົ້າ, ຫ້ວຍ​ຜັກ​ຄະ, ຫ້ວຍ​​ເຮ້ຍ  ​ແລະ ກໍ່​ຍັງ​ມີ​ປ່າ​ໄມ້​ທີ່​ອຸດົມສົມບູນ​ຂອງ​ບ້ານ.

ວຽກ​ງານ​ຈັດ​ສັນ​ທີ່​ດິນ ​ແລະ ມອບ​ດິນ-​ມອບ​ປ່າ ​ເປັນ​ວຽກ​ງານ​ໜຶ່ງ​ທີ່​ສຳຄັນ​ທີ່​ໄດ້​ມີ​ການຈັດ​ແບ່ງ​ເພື່ອ​ນຳ​ໃຊ້ ຊັບພະຍາກອນ​ທຳ​ມະ​ຊາດ ​ໃຫ້​ເໝາະ​ສົມ ​ແລະ ນຳ​ໃຊ້​ທີ່​ດິນ​ໃຫ້​ຖືກຕ້ອງ​ແບບ​ຢືນ​ຢົງ ຊ່ວຍ​ລຸດຜ່ອນ​ການ​ຖາງ​ປ່າ​ເຮັດ​ໄຮ່​ແບບ​ເລື່ອນລອຍ ທີ່​ເປັນສາ​ເຫດ​ເຮັດ​ໃຫ້​ດິນ​ເກີດ​ການ​ເຊາະ​ເຈື່ອນ ​ແລະ ​ເນື້ອ​ທີ່​ປ່າ​ໄມ້​ລຸດລົງ , ຕົ້ນ​ນ້ຳ​ລຳ​ທານ​ບົກ​ແຫ້ງ. ສະ​ນັ້ນ​ວຽກ​ງານ​ມອບ​ດິນ-​ມອບ​ປ່າ ຈຶ່ງ​ເປັນ​ວຽກ​ງານ​ທີ່​ສຳຄັນ​ນອນ​ຢູ່​ໃນ​ວຽກ​ງາ​ນບູລິ​ມະ​ສິດ​ຂອງ​ລັດຖະບານ ຕົ້ນຕໍ​ແມ່ນ​ເພື່ອ​ເລັ່ງ​ໃສ່​ຊີວິດ​ການ​ເປັນຢ່ø​ຂອງ​ປະຊາຊົນ​ໃນ​ເຂດ​ຊົນນະບົດ​ນັບ​ມື້​ນັບ​ດີ​ຂື້ນ ​ເຮັດ​ໃຫ້​ບ້ານ, ຄອບຄົວ​ມີ​ການ​ນຳ​ໃຊ້, ຄຸ້ມ​ຄອງ​ທີ່​ດິນ ​ແລະ ປ່າ​ໄມ້. ຈັດ​ສັນ​ອາຊີບ​ຄົງ​ທີ່​ໃຫ້​ເຂົາ​ເຈົ້າ​ມີ​ເຂດ​ທຳ​ການ​ຜະລິດ​ກະສິກຳ ​ແລະ ບ່ອນ​ທຳ​ມາ​ຫາ​ກິນ​ແບບ​ຖາວອນ. ​ໃນ​ໄລຍະ​ຜ່ານ​ມາ​ວຽກ​ງານ​ດັ່ງກ່າວ​ເຫັນ​ວ່າ​ພັກ-ລັດຖະບານ​ໄດ້​ເອົາ​ໃຈ​ໃສ່ ​ແລະ​ ຮີບ​ຮ້ອນ​ຈັດ​ຕັ້ງ​ປະຕິບັດ​ວຽກ​ງານ​ຈັດ​ສັນ​ທີ່​ດິນ ​ແລະ ມອບ​ດິນ​ມອບ​ປ່າ​ໃຫ້​ມີ​ປະສິດ​ຕິ​ຜົນ​ດີ​ຂື້ນ.

1.     ເຫດຜົນ​ການ​ສຶກສາ

 

ເຫັນ​ໄດ້ຄວາມ​ສຳຄັນ​ຂອງ​ວຽກ​ງານ​ການຈັດ​ສັນ​ທີ່​ດິນ ​ແລະ ມອບ​ດິນ-ມອບ​ປ່​າ​ໂດຍ​ສະ​ເພາະ​ແມ່ນ​ການ​ແກ້​ໄຂບັນຫາ ແລະ ​ແບ່ງປັນ​ທີ່​ດິນ​ກະສິກຳ ​ເພື່ອ​ການ​ຜະລິດ​ໃຫ້​ແກ່​ຄອບຄົວ ​ແລະ ​ແບ່ງ​ເຂດ​ການ​ນຳ​ໃຊ້​ທີ່​ດິນ​ຂອງ​ບ້ານ​ເພື່ອ​ຢຸດຕິ​ການ​ຖາງ​ປ່າ​ເຮັດ​ໄຮ່ແບບເລື່ອນລອຍ ​ແລະ ອີກ​ອັນ​ໜຶ່ງຈະ​ໄດ້​ກວດຄືນ​ສະພາບ​ເສ​ດຖະກິດ-ສັງ​ຄົມ​ຂອງ​ບ້ານ ວ່າ​ປະຊາຊົນ​ເຮັດ​ຫຍັງ ​​ແລະ​ ກິດຈະກຳຫຼັງການມອບດິນ-ມອບປ່າມີຊີວິດການເປັນຢູ່ດີຂື້ນ ຫຼື ບໍ່​. ວຽກ​ງານ​ຈັດ​ສັນ​ທີ່​ດິນ​ທຸກ​ຕອນ​ທີ່ມີການມອບດິນ-ມອບປ່າຜ່ານມາໃຊ້ເຂົ້າໃນການກະສິກຳຕ່າງໆ ໄດ້ແບບມີປະສິດຕິຜົນ ແລະ ຍືນຍົງ ຫຼື ບໍ່ ນີ້​ເປັນ​ເຫດຜົນ​ຫຼັກ​ໃນ​ການ​ສຶກສາ​ການ​ປະ​ເມີນ​ໃນ​ຄັ້ງ​ນີ້.

2.     ຈຸດປະສົງ​ການ​ສຶກສາ

      

Ø ເພື່ອຢາກຮູ້ການນໍາໃຊ້ທີ່ດິນຂອງປະຊາຊົນພາຍຫຼັງ ແລະ ກ່ອນມີການມອບດິນ-ມອບປ່າ

3.     ຂອບ​ເຂດ​ການ​ສຶກສາ ​

ການ​ສຶກສາ​ຄັ້ງ​ນີ້​ແມ່ນ​ໄດ້​ສຶກສາ​ຢ່ø​ບ້ານ​ກ່÷ມ​ເປົ້າ​ໝາຍ​ຄື​: ບ້ານ ໜອງ​ຂອນ ​ເມືອງ ​ໂພນໂຮງ ​ແຂວງ​ ວຽງ​ຈັນ.​ໂດຍໄດ້ສຶກສາພຽງແຕ່ການນໍາໃຊ້ທີ່ດິນຂອງປະຊາຊົນພາຍໃນບ້ານນັ້ນວ່າມີການນໍາໃຊ້ທີ່ດິນແບບໃດ, ມີການຈັດສັນທີດິນກັນແບບໃດພາຍຫຼັງມີການມອບດິນ-ມອບປ່າ ແລະ ກ່ອນໜ້າທີ່ມີການມອບດິນ-ມອບປ່າ, ເພື່ອມາສົມທຽບກັນວ່າມີຄວາມແຕກຕ່າງກັນຫຼາຍໜ້ອຍປານໃດ

II.     ທົບທວນເອກະສານ

1.     ນິຍາມສັບ

     - ທີ່​ດິນ: ໝາຍ​ເຖິງ​ເນື້ອ​ທີ່​ຂອງ​ທີ່​ດິນ​ເຊິ່ງປະກອບ​ດ້ວຍ​ໜ້າດິນ, ​ເນື້ອ​ດິນ, ພູຜາ ​ແລະ ລວມທັງ​ດິນ​ພື້ນ​ນ້ຳ, ຫ້ວຍໜອງ​ຄອງ​ບຶງ​ຕ່າງ

     - ປ່າ​ໄມ້: ໝາຍ​ເຖິງ​ຊັບພະຍາກອນ​ອັນ​ລ້ຳ​ຄ່າ​ຂອງ​ຊາດ​ເຊິ່ງປະກອບ​ດ້ວຍ​ພືດ​ພັນ​ນານາ​ຊະນິດ​ທີ່​ເກີດ​ຂື້ນຢູ່​ຕາມ​ທຳ​ມະ​ຊາດ ຫຼື​ ປູກ​ຂື້ນ. ການ​ຄົງ​ຕົວ​ຂອງ​ພວກ​ມັນ​ເປັນ​ສິ່ງ​ຈຳ​ເປັນ​ຕໍ່​ການ​ປົກ​ປັກ​ຮັກສາ​ສິ່ງ​ແວດ​ລ້ອມ ​ແລະ ການ​ດຳລົງ​ຊີວິດ​ຂອງ​ປະຊາຊົນ​ອີກ​ດ້ວຍ ແລະ ປ່າໄມ້ແມ່ນການຢູ່ລວມກັນຂອງຕົ້ນໄມ້ຫຼາຍໆຕົ້ນເຊິ່ງມີເຮືອນຍອດປົກຫຸ້ມຢ່າງໜ້ອຍ 20% ຂື້ນໄປ ແລະ ມີເນື້ອທີ່ກວມ 0.5 ເຮັກຕ້າຂື້ນໄປເອີ້ນວ່າປ່າໄມ້.

      - ການ​ນຳ​ໃຊ້​ທີ່​ດິນ: ໝາຍ​ເຖິງ​ການ​ນຳ​ໃຊ້​ທີ່​ມີ​ຄຸນຄ່າ​ໂດຍ​ການ​ນຳ​ໃຊ້​ທີ່​ດິນ ທີ່​ມີ​ຄວາມ​ໝັ້ນຄົງ​ຖາວອນ​ເຊັ່ນ: ການ​ເຮັດ​ໄຮ່, ​ເຮັດ​ສວນ, ​ເຮັດ​ນາ ​ແລະ ທຸລະ​ກິດ​ຕ່າງໆ.

      - ການຈັດ​ສັນ​ທີ່​ດິນ: ໝາຍ​ເຖິງ​ການ​ແບ່ງ​ປະ​ເພດ​ທີ່​ດິນ ​ແລະ ການ​ສ້າງ​ແຜນ​ທີ່​ດິນ​ລວມ​ໃນ​ຂອບ​ເຂດ​ທົ່ວ​ປະ​ເທດ​ແລ້ວ​ມອບ​ໃຫ້​ພາກສ່ວນ​ທີ່​ກ່ຽວຂ້ອງ​ກໍ​ຄື​ອຳນາດ​ການ​ປົກຄອງ​ທ້ອງ​ຖິ່ນ​ເປັນ​ຜູ້​ຄ້÷ມ​ຄອງ.

2.     ສະພາບການນໍາໃຊ້ທີ່ດິນໃນ ສປປ ລາວ   

         ປະຈຸ​ບັນ​ ພາຍຫຼັງທີ່​ໄດ້​ປະກາດ​ໃຊ້​ດຳລັດ​ຂອງ​ສະພາ​ລັດ​ຖະມົນຕີ ສະບັບ​ເລກທີ 11/ປສລ ລົງ​ວັນ​ທີ 05/10/1989 ວ່າ​ດ້ວຍ​ການ​ຄຸ້ມ​ຄອງ​ການ​ນຳ​ໃຊ້​ທີ່ດິນ ​ແລະ ປ່າ​ໄມ້, ຂໍ້​ກຳນົດ​ຊົ່ວ​ຄາວ​ວ່າ​ດ້ວຍ​ການ​ຄຸ້ມ​ຄອງການ​ນຳ​ໃຊ້​ທີ່​ດິນ​ກະສິກຳ-ປ່າ​ໄມ້ ​ໃນ ສປປ ລາວ ສະບັບ​ລົງ​ວັນ​ທີ 22/03/1989, ດຳລັດ​ວ່າ​ດ້ວຍ​ການ​ມອບ​ດິນ-​ມອບ​ປ່າ ອີງ​ຕາມ​ກອງ​ປະຊຸມ​ໃຫຍ່​ຄັ້ງ​ທີ IV – V ຂອງ​ພັກ​ວ່າ​ດ້ວຍ​ນະ​ໂຍບາຍ​ມອບ​ດິນ​-ມອບ​ປ່າ. ​ແຕ່​ສ່ວນ​ໃຫຍ່​ເລັ່ງ​ໃສ່​ການ​ກຳນົດ​ທີ່​ດິນ ​ແລະ ປ່າ​ໄມ້ໃຫ້​ບ້ານ​ປົກຄອງ​ນຳ​ໃຊ້​ການຈັດ​ຕັ້ງປະຕິບັດ​ການ​ມອບ​ດິນ-ມອບ​ປ່າ ສາມາດ​ແບ່ງ​ອອກ​ເປັນ 3 ​ໄລຍະ​ຄື: ​ໄລຍະ​ທີ​ໜື່ງ ​ແຕ່​ປີ 1990- 1993 ,​ໄລຍະ​ທີ​ສອງ ​ແຕ່​ປີ 1993-1994, ​ໄລຍະ​ທີ​ສາມ ​ແຕ່​ປີ1994 – 1995 (ປີ1994 –1995) ​ແຂວງ ​​ໄຊ​ຍະ​ບູລີ ​ໄດ້​ລິ​ເລີ່​ມການ​ມອບ​ດິນ-​ມອບ​ປ່າ ຄຽງ​ຄູ່​ກັບ​ການ​ກໍ່ສ້າງ​ຂະ​ບວນການ​ຮາກ​ຖານ ການ​ເມືອງ​ໃນ​ແຕ່​ລະ​ບ້ານ.

3.     ກົດໝາຍ​ປ່າ​ໄມ້

ມາດຕາ 1 : ໜ້າ​ທີ່​ຂອງ​ກົດໝາຍ​ປ່າ​ໄມ້

       ກົດໝາຍ​ສະບັບ​ນີ້​ໄດ້​ກຳນົດ​ລະບຽບ​ຫຼັກການ ແລະ ມາດຕາ​ກ່ຽວ​ກັບ​ການ​ປົກ​ປັກ​ຮັກສາ​ການ​ນຳ​ໃຊ້​ຊັບພະຍາກອນ​ປ່າ​ໄມ້ ​ແລະ ທີ່​ດິນ​ປ່າ​ໄມ້ ສົ່ງ​ເສີມ, ພື້ນຟູ ແລະ ຂະຫຍາຍເນື້ອທີ່ປ່າໄມ້ຢ່øສາທາ​ລະນະ​ລັດປະຊາ​ທິປະ​ໄຕປະຊາ​ຊົນ​ລາວ. ລາວໄດ້ແນໃສ່ໃຫ້ທຳມະຊາດມີຄວາມອຸດົມສົມບູນເຮັດໃຫ້ປ່າໄມ້ເປັນແຫຼ່ງທຳມາຫາກິນ ໂດຍບໍ່ບົກແຫ້ງຈັກເທື່ອ. ເພື່ອປົກປັກຮັກສາແຫຼ່ງນ້ຳ, ປ້ອງກັນ ການເຊາະເຈື່ອນ  ແລະ ຮັກສາ ພັນພືດ, ພັນສັດ, ສັດປ່າ ແລະ ສິ່ງແວດລ້ອມ.

ມາດຕາ 9 : ການ​ແບ່ງ​ປະ​ເພດ​ປ່າ​ໄມ້

         ປ່າໄມ້ຢ່ø ສາທາລະນະລັດ ປະຊາທິປະໄຕ ປະຊາຊົນລາວ ໄດ້ແບ່ງອອກເປັນ 3 ປະເພດເພື່ອ ການປົກປັກຮັກສາ ແລະ ການພັດທະນາຄື:

·         ປ່າປ້ອງກັນ

·         ປ່າສະຫງວນ

·         ປ່າຜະລິດ

4.     ການ​ມີ​ສ່ວນ​ຮ່ວມ​ຂອງ​ປະຊາຊົນ

       ການ​ມີ​ສ່ວນ​ຮ່ວມ​ຂອງ​ປະຊາຊົນແມ່ນ ​ການ​ທີ່​ເຮົາ​ໃຫ້​ປະຊາຊົນ ທຸກ​ຄົນ, ທຸກ​ຄອບຄົວ​ ​ໄດ້​ມີ​ສ່ວນ​ຮ່ວມ​ໃນ​ການ​ບໍລິຫານ, ວິ​ເຄາະ​ບັນຫາ, ການ​ຕັດສິນ​ບັນຫາ ​ແລະ ວິທີ​ແກ້​ໄຂ​ບັນຫາ​ລວມ ທັງ​ການ​ດຳ​ເນີນ​ວຽກ​ງານ , ການ​ປະ​ເມີນ​ຜົນ…

5.     ຍຸດ​ທະ​ສາດ, ນະ​ໂຍບາຍ​ຂອງ​ລັດຖະບານ​ໃນ​ການ​ມອບ​ດິນ-ມອບ​ປ່າ

        - ພັກ - ​ລັດຖະບານ​ເຮົາຍາມ​ໃດ​ກໍ່​ເປັນ​ຫ່ວງ​ເປັນ​ໄຍ ຕໍ່​ກັບ​ການ​ດຳລົງ​ຊີວິ​ດຂອງ​ປະຊາຊົນ​ບັນດາ​ເຜົ່າ​ຢ່ø​ສະ​ເໝີ ດ້ວຍ​ຄວາມ​ເປັນ​ຫ່ວງ​ເປັນ​ໄຍ ພັກ - ລັດຖະບານ​ຈຶ່ງ​ມີ​ແນວທາງ​ອັນ​ຖືກຕ້ອງ ​ແລະ ສອດຄ່ອງ​ເພື່ອ​ປັບປຸງ​ຊີວິດ​ການ​ເປັນ​ຢູ່​ຂອງ​ປະຊາຊົນ​ໃຫ້​ດີ​ຂື້ນ​ເທື່ອ​ລະກ້າວ ​ໂດຍ​ກຳນົດ​ເປັນ​ແຜນ​ງານ​ຢຸດຕິ​ການ​ຖາງ​ປ່າ​ເຮັດ​ໄຮ່​ແບບ​ເລື່ອນ​ລອຍ ​ແລະ ການຈັດ​ສັນ​ອາຊີບ​ຄົງ​ທີ່​ໃຫ້​ເຂົາ​ເຈົ້າ​ຊອກ​ບ່ອນ​ທຳ​ມາ​ຫາ​ກິນ​ໃຫ້​ປະຊາຊົນ (ຄຳ​ສັ່ງ​ເລກທີ 003/ນຍ)

        - ການ​ຄ້÷ມ​ຄອງ ​ແລະ ການ​ນຳ​ໃຊ້​ຊັບພະຍາກອນ​ທຳ​ມະ​ຊາດ​ຄື: ຊັບພະຍາກອນ​ປ່າ​ໄມ້ ​ແລະ ​ແຫຼ່ງນ້ຳ​ຢ່າງ​ມີ​ປະສິດຕິ​ຜົນ​ສູງ. ປົກປັກ​ຮັກສາ​ສະພາບ​ແວດ​ລ້ອມ ​ແລະ ຄວາມ​ອຸດົມສົມບູນ​ຂອງ​ທຳ​ມະ​ຊາດ ​ເພື່ອ​ຢຸດຕິ​ການ​ຖາງ​ປ່າ​ເຮັດ​ໄຮ່​ແບບ​ເລື່ອນ​ລອຍ​ໂດຍ​ຫັນ​ມາ​​ເຮັດການ​ຜະລິດ​ແບບ​ຄົງ​ທີ່, ​ແນ​ໃສ່​ຍົກ​ສູງ​ຊີວິດ​ການ​ເປັນ​ຢູ່​ໃຫ້​ປະຊາຊົນ​ບັນດາ​ເຜົ່າ ​ໃຫ້​ມີ​ບ່ອນ​ທຳມາ​ຫາ​ກິນ​ອີ່​ມນໍາ​ສຳລານ (ບົດ​ນຳ 0822/ບກ).

III.    ສະຖານທີສຶກສາ

1.     ຂອບເຂດຊາຍແດນ

​ໃນ​ການ​ລົງ​ສຶກສາ​ການນໍາໃຊ້ທີ່ດິນກ່ອນ ແລະ ຫຼັງມີການມອບດິນ-ມອບປ່າ ຄັ້ງ​ນີ້​ແມ່ນ​ໄດ້​ລົງ​ສຶກສາ​ຢ່ø ບ້ານ ​ໜອງ​ຂອນ​ ​ເມືອງ​ໂພນ​ໂຮງ ​ແຂວງ​ວຽງ​ຈັນ. ຢູ່​ລະຫວ່າງ​ເສັ້ນ​ຂະໜານ​ທີ………ອົງສາ……… ລິບດາ……..ວິລິບດາ…………….. ​ແລະ………. ​ເສັ້ນ​ແວງ​ທີ………ອົງສາ…………ລິບດາ………….ວິລິບດາ. ເຊິ່ງມີຂອບເຂດຊາຍແດນແຕ່ລະທິດຕິດກັບແຕ່ລະສະຖານທີ່ດັ່ງນີ້:

- ທິດ​ເໜືອ​ຕິດ​ກັບ​ບ້ານ……………….

- ທິດ​ໃຕ້​ຕິດ​ກັບ​ບ້ານ………………….

- ທິດຕາ​ເວັນ​ອອກ​ຕິດ​ກັບ​ບ້ານ………..

- ທິດຕາ​ເວັນ​ຕົກ​ຕິດ​ກັບ​ບ້ານ…………

IV.    ອຸປະກອນ ແລະ ວິທີການສຶກສາ

1.     ອຸປະກອນການສຶກສາ

-    ຟອມບັນທຶກ

-    ຟອມສໍາພາດ

-    ບິກ

-    ສໍດໍາ

-    ກ້ອງຖ່າຍຮູບ

-    ເຈ້ຍA4

-    USB

-    Computer

2.     ວິທີການສຶກສາ

ສໍາລັບວິທີການສຶກສາຄັ້ງນີ້ແມ່ນໄດ້ສຶກສາທັງໝົດ 2 ວິທີຄື: ການສຶກສາຂໍ້ມູນມືໜຶ່ງ ( ລົງພາກສະໜາມຕົວຈິງ ) ແລະ ການສຶກສາຂໍ້ມູນມືສອງ ( ພາກຫ້ອງການ )

ກ. ການສຶກສາຂໍ້ມູນມືໜຶ່ງ ( ລົງພາກສະໜາມຕົວຈິງ )

ໃນການລົງເກັບກໍາຂໍ້ມູນຢູ່ພາກສະໜາມໃນຄັ້ງນີ້ເພຶ່ອໃຫ້ບັນລຸຜົນຕາມຄາດໝາຍທີ່ໄດ້ວາງໄວ້ນັ້ນແມ່ນໄດ້ສຶກສາຕາມຂັ້ນຕອນດັ່ງນີ້:

ການສອບຖາມອໍານາດການປົກຄອງບ້ານ, ໜ່ວຍງານປ່າໄມ້ບ້ານ ແລະ ໜ່ວຍງານທີ່ດິນບ້ານກ່ຽວກັບສະພາບທົ່ວໄປຂອງບ້ານ, ປະເພດການນໍາໃຊ້ທີ່ດິນຂອງບ້ານ, ຮູບແບບການຈັດຕັ້ງໃນການຄຸ້ມຄອງທີ່ດິນຂັ້ນບ້ານ, ຮູບແບບການຖືຄ້ອງທີ່ດິນ ແລະ ກໍາມະສິດໃນການຖືຄ້ອງທີ່ດິນຂອງປະຊາຊົນເພື່ອເຮັດໃຫ້ວຽກງານການຄຸ້ມຄອງທີ່ດິນ ແລະ ວຽກງານການມອບດິ - ມອບປ່າຢືນນານໄດ້

ການສໍາພາດປະຊາຊົນໂດຍສໍາພາດເອົາ 100 ເປີເຊັນ ໝາຍຄວາມວ່າຈະໄດ້ສໍາພາດຈໍານວນຄອບຄົວທັງໝົດພາຍໃນໝູ່ບ້ານ ໂດຍສໍາພາດປະຊາຊົນໃນສາມສະຖານນະຄອບຄົວ, ຕາມຟອມທີ່ໄດ້ກະກຽມໄວ້ນັ້ນ.ໂດຍຈະຈັດສະຖານະອອກເປັນສາມລະດັບຄື: ຄອບຄົວຮັ່ງມີ, ປານກາງ ແລະ ຍາກຈົນ( ຂາດເຂີນ). ເຊີ່ງວິທີສໍາພາດ ຫຼື ສອບຖາມແຕ່ລະຄອບຄົວໃນບ້ານນັ້ນແມ່ນຈະໄດ້ເນັ້ນໃສ່ຫົວໜ້າຄອບຄົວເປັນຫຼັກ.

ຂ. ການສຶກສາຂໍ້ມູນມືສອງ ( ພາກຫ້ອງການ )

ໃນການລົງເກັບກໍາຂໍ້ມູນຄັ້ງນີ້ແມ່ນໄດ້ລວບລວມຈາກເອກະສານຈ່າງໆເຊັ່ນ:​ຫໍສະໝຸດ, ພາກວິຊາ, ບົດລາຍງານຈົບຊັ້ນທີ່ຜ່ານມາ, ຄໍາແນະນໍາຈາກຄູອາຈານ, ໜັງສືພິມ ແລະ ບົດສະເໜີໂຄງການຈົບຊັ້ນທີ່ກຽ່ວກັບຫົວຂໍ້ ການສົມທຽບການນໍາໃຊ້ທີດິນກອ່ນ ແລະ ຫຼັງມີການມອບດິນ - ມອບປ່າໃຫ້ປະຊາຊົນນໍາໃຊ້, ນອກຈາກນັ້ນແລ້ວຈະທົບທວນເອົາບັນດາເນື້ອຫາທີ່ສໍາຄັນຕ່າງໆຈາກຂໍ້ມູນມືສອງນັ້ນໃຊ້ໃນບົດໂຄງການຈົບຊັ້ນຂອງເຮົາ

ຄ. ການວິເຄາະຂໍ້ມູນ

ພາຍຫຼັງທີ່ລົງເກັບຂໍ້ມູນມາຈາກຳາກສະໜາມເປັນທີ່ຮຽບຮ້ອຍແລ້ວ, ຈໍາເປັນຕ້ອງມີການພິຈາລະນາວິເຄາະ ແລະ ກັ່ນຕອງເອົາຂໍ້ມູນທີ່ເກັບກໍາມາໄດ້ຈາກພາກສະໜາມ, ໂດຍຈະສັງລວມເອົາຂໍ້ມູນທີ່ເປັນຕົວໜັງສື ຫຼື ຄໍາເວົ້າມາວິເຄາະ, ພ້ອມທັງໄຈ້ແຍກບັນດາເນື້ອຫາຂໍ້ມູນທີ່ໄດ້ເກັບກໍາມາຕ່າງໆນັ້ນເຊັ່ນວ່າ: ສົບທຽບການນໍາໃຊ້ທີ່ດິນພາຍຫຼັງການມອບດິນ - ມອບປ່າ, ສົບທຽບຂະໜາດການຖືຂ້ອງທີ່ດິນຂອງປະຊາຊົນກ່ອນ ແລະ ຫຼັງການມອບດິນ - ມອບປ່າໃຫ້ປະຊາຊົນນໍາໃຊ້, ແລ້ວມາອະທິບາຍ ຫຼື ບັນຢາຍທຸກເນື້ອຫາສາລະ ແລະ ຫາຂໍ້ສະຫຼຸບມາຮຽບຮຽງເປັນບົດຄົ້ນຄ້ວາຂື້ນມາ. ນອກນັ້ນຂໍ້ມູນທາງດ້ານປະລິມານນັ້ນຈະສົມທຽບກັບການນໍາໃຊ້ທີ່ດິນໃນແຕ່ລະປະເພດກ່ອນ ແລະ ຫຼັງມີການມອບດິນ - ມອບປ່າໂດຍໃຊ້ຕາຕະລາງສ່ວນທີ່ເປັນຂໍ້ມູນດິບ, ຂໍ້ມູນທີ່ເກັບກໍາມາໄດ້ຈາກພາກສະໜາມທີ່ສາມາດເປັນຕົວຊີ້ວັດໃນການວິເຄາະໂດຍການນໍາໃຊ້ເຄື່ອງຈັກຄິດໄລ່ເຊັ່ນວ່າ: Micosoft – Excel ໃນການວິເຄາະຂໍ້ມູນຕ່າງໆ

V.     ຄາດຄະເນຜົນໄດ້ຮັບ

ການສຶກສາຄັ້ງນີ້ແມ່ນໄດ້ລົງເກັບກໍາຂໍ້ມູນຫຼາຍຮູບແບບບໍ່ວ່າຈະເປັນການລົງເກັບກໍາຂໍ້ມູນທາງພາກສະໜາມ ແລະ ພາກຫ້ອງການ, ສາມາດຄາດຄະເນໄດ້ວ່າຈະໄດ້ຮູ້ດັ່ງນີ້ຄື:

-    ຈະໄດຮູ້ເຖິງການນໍາໃຊທີ່ດິນຂອງປະຊາຊົນພາຍໃນບ້ານວ່າມີການໍາໃຊ້ທີ່ດິນກັນແນວໃດກ່ອນ ແລະ ຫຼັງມີການມອບດິນ-ມອບປ່າ

-    ອາດຈະໄດ້ຮູ້ເຖິງຄວາມແຕກຕ່າງຈາກການນໍາໃຊ້ທີ່ດິນກ່ອນ ແລະ ຫຼັງມີການມອບດິນ-ມອບປ່າ

-    ອາດເປັນໄປໄດ້ເຖິງຜົນກະທົບຂອງປະຊາຊົນພາຍຫຼັງມີການມອບດິນມອບປ່າ

VI.    ແຜນດໍາເນີນງານ ແລະ ແຜນງົບປະມານ

1.     ແຜນດໍາເນີນງານ

ລ/ດ	ໜ້າວຽກ	9	10	11	12	1	2	3	4	5	6	7	8
1	ສະເໜີຫົວບົດໄປຍັງພາກວິຊາ
2	ຂຽນບົດສະເໜີຄົ້ນຄ້ວາ
3	ປ້ອງກັນບົດສະເໜີຄົ້ນຄ້ວາ
4	ລົງເກັບຂໍ້ມູນພາກສະໜາມ
5	ວິເຄາະຂໍ້ມູນ ແລະ ຂຽນບົດ
6	ສົ່ງບົດ ແລະ ກຽມປ້ອງກັນ
7	ປ້ອງກັນບົດ

2.     ແຜນງົບປະມານ

ລໍາດັບ	ລາຍການ	ລາຄາ(ກີບ)	ຈໍານວນ	ລວມຍອດ(ກີບ)
1	ເຈ້ຍA4	35 000	1 ຕັບ	35 000
2	ບິກ, ສໍດໍາ	2 000	10 ກ້ານ	20 000
3	ປື້ມບັນທຶກ	10 000	2 ຫົວ	20 000
4	ແຜ່ນໃສ,ແຜ່ນດ໋ອດ	2 500	10 ແຜ່ນ	25 000
5	ຟອມສໍາພາດ	1 000	100 ສຸດ	100 000
6	USB	90 000	1 ອັນ	90 000
7	ຄ່າປິ້ນບົດ	1 000	200 ໜ້າ	200 000
8	ອັດຕາກິນພາກສະໜາມ	40 000	60 ວັນ	2 400 000
9	ຄ່າເດີນທາງ	50 000	1 ຖ່ຽວ	100 000
10	ເງີນສໍາຮອງ	200 000	1 ງວດ	200 000
11	ແລ່ນເອກະສານຕ່າງໆ	200 000		200 000
	ລວມ			3 390 000

ເອກະສານອ້າງ​ອີງ

ກົດໝາຍ​ປ່າ​ໄມ້​ສະບັບ​ປັບປຸງ​ໃໝ່, 2008.

ກົດໝາຍວ່າດ້ວຍທີ່ດິນສະບັບປັບປຸງໃໝ່ 2009

ການ​ມອບ​ດິນ​-ມອບ​ປ່າ ​ແບບ​ມີ​ສ່ວນ​ຮ່ວມ​ໃນ​ເຂດ​ປ່າ​ສະ​ຫງວນ​ແຫ່ງ​ຊາດ​ນ້ຳ​ປຸຍ ຄຳ​ຜາ ສີ​ພັນ​ທອງ, 2001 ການຈັດ​ສັນ​ທີ່​ດິນ ​ແລະ ມອບ​ດິນ​ມອບ​ປ່າ ທີ່​ເມືອງ​ເຟືອງ ​ແຂວງ​ວຽງ​ຈັນ.

ສຳນັກງານ​ນາຍົກລັດຖະມົນຕີ, 1996 ວ່າ​ດ້ວຍ​ການ​ປົກ​ປັກ​ຮັກສາ​ປ່າ​ໄມ້.